WSJ: Ułady ZŠA rekamiendujuć bujnym bankam admovicca ad kupli dziaržablihacyj Rasii
Amierykanskija ŭłady pieraścierahli bujnyja banki ZŠA ad kupli dziaržaŭnych ablihacyj Rasii. Pra heta piša The Wall Street Journal, spasyłajučysia na krynicy, znajomyja ź situacyjaj.
U 2016 hodzie Maskva ŭpieršyniu z ŭviadzieńnia sankcyj vypuścić mižnarodnyja ablihacyi na sumu nie mienš jak $3 młrd. Jak śćviardžaje WSJ, Rasija zaprasiła paŭdzielničać u ich kupli jeŭrapiejskija, kitajskija i amierykanskija banki, u tym liku Bank of America, Citigroup, Goldman Sachs, J.P. Morgan Chase & Co. i Morgan Stanley.
Minfin i Dziarždep ZŠA vypuścili śpiecyjalnaje papiaredžańnie, atrymaŭšy ad bankaŭ pytańni ab tym, ci mohuć jany ŭdzielničać u kupli bondaŭ. Tak, u Vašynhtonie ličać, što takija ździełki buduć supiarečyć sankcyjnaj palitycy.
«Vielmi važna, kab pryvatnyja kampanii ŭ ZŠA, Jeŭrasajuzie i va ŭsim astatnim śviecie razumieli, što Rasieja zastaniecca rynkam z vysokaj stupieńniu ryzyki, pakul jana budzie praciahvać dziejańni pa destabilizacyi na Ukrainie», — zajavili WSJ u Dziarždepartamiencie.