U Minsku ździejśnieny ŭzbrojeny napad na inkasatara
Minčuk ździejśniŭ razbojny napad na inkasatara, paviedamlaje Śledčy kamitet.
«Pa fakcie razbojnaha napadu na inkasatara Maskoŭskim (horada Minska) rajonnym adździełam Śledčaha kamiteta adrazu była raspačata kryminalnaja sprava. Staličnym śledčym i apieratyŭnym supracoŭnikam udałosia ŭstanavić asobu i miescaznachodžańnie napadnika. Im akazaŭsia 35-hadovy minčuk», - raspaviali ŭ Śledčym kamitecie.
Padazravany na praciahu čatyroch dzion rychtavaŭsia da napadu, pilnujučy inkasatara. Z zatrymanym pracujuć śledčyja. Mužčyna nie admaŭlaje svajoj viny.