Były mer Homiela Pilipiec vyjšaŭ na volu
— Dy heta praŭda. U kancy 2015 hoda Pilipiec vyzvaliŭsia ź miescaŭ pazbaŭleńnia voli, pakarańnie jon adbyvaŭ u papraŭčaj kałonii №2 Babrujska, — raspaviała kp.by krynica ŭ pravaachoŭnych orhanach.
U krasaviku 2014 hoda byłoha mera Homiela Viktara Pilipca prysudzili da piaci hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Jaho pryznali vinavatym pa č. 3 art. 424 KK «Złoŭžyvańnie ŭładaj ci słužbovymi paŭnamoctvami». Čynoŭnika sudzili ŭ Mahilovie, kab paźbiehnuć cisku na sud, bo ŭsia viarchuška homielskaj ułady była śviedkam.
— Ja nie zhodny z abvinavačvańniem. Pryznać svaju vinu tam, dzie jaje niama, — heta absurd. Moža, tolki z maralnaha punktu hledžańnia vinavaty, što vyrašyŭ abzavieścisia žyłpłoščaj. Ale niaŭžo maja siamja nie takaja, jak usie astatnija, jakija zakonna kuplajuć žyllo? Usio žyćcio mataŭsia pa internatach, tamu i zachaciełasia vyrašyć kvaternaje pytańnie, — kazaŭ były mer Homiela Viktar Pilipiec, kali jaho dapytvali ŭ sudzie.
Nahadajem, za kratami jon apynuŭsia ŭ vieraśni 2012 hoda z-za machinacyj z kvaterami. Pilipca sudzili razam z čatyrma supracoŭnikami UKB. Ich pryznali vinavatymi ŭ tym, što 27 kvater, jakija budavalisia dla tych, chto maje patrebu, jany raźmierkavali pamiž saboj i blizkimi. Kvatery vialikija — troch-i čatyrochpakajovyja, płoščaj kala 100 kvadratnych mietraŭ. U ich pavinny byli zasialicca žychary sa znosimych damoŭ vulicy Barykina, ale hrymnuŭ ekanamičny kryzis, finansavańnie prypyniłasia, i UKB vyrašyŭ pradać ich svaim ža ludziam. Devalvacyja syhrała tolki na ruku, žyllo syšło pa staroj canie, pa jakoj pačynali budavać jašče tady, kali dalar kaštavaŭ 3 tysiačy. Atrymlivałasia, što niekatoryja trochpakajovuju kuplali za 20—25 tysiač dalaraŭ. Heta ŭ toj čas, kali ceny na takija kvatery ŭ Homieli dachodzili da 55 - 60 tysiač. Heta značyć na adnoj kvatery, kupiŭšy pa staroj canie i pradaŭšy pa novaj, možna było zarabić 30 tysiač dalaraŭ. Niekatoryja ździełki byli aformlenyja na padstaŭnych asob. U tym liku ŭsie kvatery dla siamji mera nabyvalisia na inšyja proźviščy.
— Pilipiec adsiedzieŭ za kratami try hady, za hety čas było dźvie amnistyi, voś jon i vyjšaŭ, — prakamientavali kp.by.