U Indyi mužčyna zarezaŭ 14 svajakoŭ i sam paviesiŭsia
35-hadovy žychar Indyi Chans Varakar zarezaŭ 14 členaŭ svajoj siamji, paśla čaho ździejśniŭ samahubstva, paviedamlaje miascovaja palicyja.
Trahiedyja adbyłasia ŭ horadzie Tchań, raźmieščanym u 30 kiłamietrach na paŭnočny ŭschod ad Mumbai.
Pavodle dadzienych palicyi, u subotu ŭviečary siamja Varakar, jakaja była dobra viadomaja ŭ akruzie i ličyłasia ščasnaj, sabrałasia z uračystaj nahody.
Paśla taho, jak usie prysutnyja ŭ domie lahli spać, mužčyna zamknuŭ uvachodnyja dźviery, uziaŭ apracoŭčy nož i zabiŭ svaju žonku, vaśmiarych dziaciej, troch siaścior i baćkoŭ, paśla čaho paviesiŭsia.
Vyžyć udałosia tolki adnoj ź siaścior zabojcy, kryki jakoj pasiarod nočy pačuŭ susied. Pakolki dźviery byli začynienyja, mužčyna raźbiŭ akno, vyklikaŭ palicyju i dapamoh paciarpiełaj vybracca z chaty.
Dziaŭčynu z nažavymi ranieńniami dastavili ŭ bližejšuju balnicu, dzie joj akazvajecca dapamoha. Jak paviedamlajecca, jana znachodzicca ŭ stanie najmacniejšaha šoku.
Matyvy zabojstva pakul nieviadomyja. Paviedamlajecca, što Varakar pracavaŭ arhanizataram śviatočnych mierapryjemstvaŭ.