Kadyraŭ paprasiŭ nie pravodzić akcyj za padaŭžeńnie jaho paŭnamoctvaŭ
Kiraŭnik Čačenskaj respubliki Ramzan Kadyraŭ paprasiŭ nie pravodzić mitynhaŭ i inšych akcyj za padaŭžeńnie jaho paŭnamoctvaŭ.
«Źjavilisia prapanovy pravieści mitynhi i inšyja akcyi z patrabavańniem zastacca va ŭładzie, — napisaŭ Kadyraŭ u svaim «Instahramie». — Viadoma, ja rady takoj narodnaj padtrymcy, ale nie patrebnyja nijakija mitynhi. Nie dla hetaha ja vykazaŭ svajo mierkavańnie».
Kiraŭnik Čačni taksama napisaŭ, što nie čaplajecca za ŭładu, a dziela zachavańnia stabilnaści i miru «hatovy pracavać choć čornarabočym».
U subotu Kadyraŭ zajaviŭ u efiry telekanała NTV, što jaho čas na pasadzie kiraŭnika rehijonu prajšoŭ. «Z zadavalnieńniem», — adkazaŭ Kadyraŭ na pytańnie karespandenta, ci choča jon pakinuć pasadu kiraŭnika Čačni.