Paŭtorny vybuch na šachcie ŭ Varkucie (Rasija): 26 zabłakavanych harniakoŭ pryznali zahinułymi
Unačy padčas vyratavalnaj apieracyi adbyŭsia novy vybuch — zahinuli jašče 6 čałaviek.
Siońnia kiraŭnik rasijskaha MNS Uładzimir Pučkoŭ zajaviŭ, praktyčna niama šancaŭ na toje, što niechta z pakinutych u šachcie «Paŭnočnaja» 26 harniakoŭ vyžyŭ.
«My vymušanyja kanstatavać, što ŭsie paramietry, jakija skłalisia na avaryjnym učastku šachty, nie dazvalajuć kamuści vyžyć. Dadzienyja pakazvajuć, što ŭ tym rajonie padziemnaj prastory, dzie znachodzilisia 26 šachcioraŭ, vysokija tempieratury, niama kisłarodu. I epicentr treciaha vybuchu pryjšoŭsia jakraz na hety ŭčastak», — cytuje ministra TASS.
Raniej 25 lutaha na šachcie «Paŭnočnaja» na hłybini 780 mietraŭ adbyŭsia raptoŭny vykid mietanu i dva vybuchi, jakija pryviali da abvalvańnia parody. Za zavałami ŭźnik pažar. Pavodle dadzienych na toj momant, čaćviora harniakoŭ zahinuli, los 26 šachcioraŭ nieviadomy, suviazi ź imi nie było.
Siońnia ŭnačy pry praviadzieńni pošukava-vyratavalnych rabot u šachcie adbyŭsia jašče adzin vybuch. Zahinuli šeść čałaviek.