U Łos-Andželesie projdzie 88-ja cyrymonija ŭručeńnia premii «Oskar»
U Łos-Andželesie ŭ Dolby Theatre na Halivudskim bulvary ŭ niadzielu adbudziecca 88-ja cyrymonija ŭručeńnia premii Amierykanskaj kinaakademii «Oskar».
tatler.ru
Premija budzie ŭručacca ŭ 24 naminacyjach. Hałoŭnaja naminacyja — «najlepšy film». U joj zajaŭleny karciny «Šalony Maks. Daroha lutaści» Džordža Milera, «Hulnia na panižeńnie» Adama Makieja, «Vyžyły» Alechandra Hansalesa Ińjarytu, «Špijonski most» Styviena Śpiłbierha, «Bruklin» Džona Kraŭli, «Pakoj» Leanarda Abrachamsana, «U centry ŭvahi» Toma Makarci, «Marsijanin» Rydli Skota. U naminacyi «najlepšy režysior» prysutničajuć tyja ž Makiej, Ińjarytu, Miler, Abrachamsan i Makarci.
U naminacyi «najlepšaja mužčynskaja rola» zajaŭleny Leanarda Dzi Kaprya («Vyžyły»), Edzi Redmiejn («Dziaŭčyna z Danii»), Brajan Krenstan («Tramba»), Majkł Faśbiender («Styŭ Džobs») i Met Dejman («Marsijanin»). U anałahičnaj «žanočaj» naminacyi — Kiejt Błanšet («Kerał»), Bry Łarsan («Pakoj»), Sirša Ronan («Bruklin»), Dženifier Łoŭrens («Džoj»), Šarłota Remplinh («45 hadoŭ»).
Hałoŭnaj intryhaj majučaj adbycca cyrymonii ekśpierty ličać baraćbu za «Oskara» ŭ naminacyi «najlepšaja mužčynskaja rola». U hetaj naminacyi šosty raz zajaŭleny Dzi Kaprya — piać razoŭ da hetaha jon prajhravaŭ u baraćbie za statuetku, što jaho šmatlikija prychilniki rasceńvajuć jak niespraviadlivaść.
Kadr ź filma «Vyžyły»
Padtrymku Dzi Kaprya pierad cyrymonijaj ŭručeńnia «Oskara» akazvajuć pa ŭsim śviecie — tak, łondanski kinateatr «Adeon» da 28 lutaha źmianiŭ nazvu i ciapier nazyvajecca «Leadeon».