U Halivudzie ŭručyli «Załatuju malinu» za najhoršyja filmy hoda
U Łos-Andželesie abjaŭlenyja pieramožcy premii «Załataja malina». Najhoršymi filmami hoda pryznanyja «50 adcieńniaŭ šeraha» i «Fantastyčnaja čaćviorka».
Vykanaŭcy hałoŭnych rolaŭ u filmie «50 adcieńniaŭ šeraha» Džejmi Dornan i Dakota Džonsan pieramahli ŭ naminacyjach «Najhoršy akcior» i «najhoršaja aktrysa» adpaviedna, a taksama stali najhoršym akciorskim duetam. Akramia taho, «Załataja malina» dastałasia Kieli Marseł za scenar da karciny.
Edzi Riedmejn byŭ pryznany najhoršym vykanaŭcam roli druhoha płana, a ŭsiaho hod tamu jon ža atrymaŭ Oskara za vykanańnie najlepšaj mužčynskaj roli.
Jon atrymaŭ hety sumniŭny pryz za ŭdzieł u fantastyčnym bajeviku «Uzychodžańnie Jupiter», źniatym Łanaj i Endru Vačoŭski, jaki atrymaŭ vielmi nizkija adznaki krytykaŭ i pravaliŭsia ŭ prakacie.
AFP
Žartaŭlivaja cyrymonija konkursu «Załataja malina» pravodzicca tradycyjna ŭ Łos-Anželesie za dzień da praviadzieńnia asnoŭnaj cyrymonii ŭručeńnia premij Oskar.