24 čałavieki zahinuli ŭ vyniku vybuchaŭ na rynku ŭ Bahdadzie
U Bahdadzie na rynku ŭ nasielenym pieravažna šyitami rajonie ŭzarvalisia dźvie bomby. Pakul nie jasna, chto staić za hetym napadam.
Palicyja i daktary paviedamlajuć pra 24 zabitych i bolš za 60 paranienych.
Paviedamlajecca, što bomby byli ŭzarvanyja śmiarotnikami.
Choć nichto nie ŭziaŭ na siabie adkaznaść za hetyja vybuchi, bajeviki ekstremisckaj hrupoŭki «Isłamskaja dziaržava» užo nie raz u minułym ździajśniali vybuchi ŭ šyickich rajonach Bahdada i inšych haradoŭ Iraka.
Raniej siońnia bajeviki ID ździejśnili napad u adnym z pryharadaŭ Bahdada. Napad adbyŭsia blizu raźmiaščeńnia vojskaŭ u pryharadzie Abu-Hrejb.
Troje bajevikoŭ u načynienych vybuchoŭkaj aŭtamabilach padarvali siabie, paśla čaho inšyja bajeviki adkryli ahoń pa pazicyjach vajskoŭcaŭ. 13 vajskoŭcaŭ i palicyjantaŭ zahinuli.