92-hadovy prezident Zimbabve adśviatkavaŭ svoj dzień narodzinaŭ za miljon dalaraŭ
Prezident Zimbabve Robiert Muhabe vydatkavaŭ na śviatkavańnie svajho 92-ha dnia naradžeńnia $1 młn. Pra heta paviedamlaje RBK sa spasyłkaj na Reuters.
Reuters
Paviedamlajecca, što pry hetym $800 tysiač sabrała moładzievaje kryło zimbabvijskaha afrykanskaha nacyjanalnaha sajuza — Patryjatyčny front (ZANU-PF) i jaho prychilniki. Na śviacie ŭ nieba byli vypuščanyja 92 pavietranyja šary, pramaŭlalisia vieršy i vykonvalisia pieśni, u jakich Muhabe nazyvajecca ikonaj i prazorcam. Sam prezident razrezaŭ hihancki tort, vykanany ŭ vyhladzie ruin staražytnaha paŭdniovaafrykanskaha horada, u honar jakich Zimbabve atrymała svaju nazvu.
Jak adznačaje Reuters, maštabnaje śviatkavańnie dnia narodzinaŭ zimbabvijskaha lidara vyklikała krytyku z boku jaho apanientaŭ. Hałoŭnaj pryčynaj hetaha stała toje, što palityka kanfiskacyi i pieraraźmierkavańnia fiermaŭ biełych žycharoŭ pryviała adnu z najbolš pierśpiektyŭnych ekanomik Afryki da amal dziesiacihadovaj hłybokaj recesii, jakaja doŭžyłasia da 2008 hoda, a vytvorčaść pradukcyi skaraciłasia ŭ dva razy, havorycca ŭ publikacyi. Na hetym fonie śviata stała abrazaj dla zvyčajnych zimbabvijcaŭ, ličać apazicyjaniery.
Robiert Muhabe źjaŭlajecca prezidentam Zimbabve z 1987 hoda.