U Mahilovie 25 sakavika ściahi ździrali zhodna z zakonam «Ab milicyi»
16 krasavika žychar Mahilova, aktyvist niezarehistravanaha ruchu «Rušeńnie» Vaładar Curpanaŭ atrymaŭ adkaz z abłasnoj upravy ŭnutranych spraŭ na svaju skarhu. U skarzie aktyvist vinavaciŭ milicyjantaŭ u niepravamiernych dziejańniach i niezakonnaj kanfiskacyi asabistych rečaŭ: dvuch bieł-čyrvona-biełych ściahoŭ i aficyjnaha dziaržaŭnaha ściaha.
U adkazie, padpisanym padpałkoŭnikam Alonuškinym, havorycca, što milicyjanty zakonaŭ nie parušali. «Jany dziejničali zhodna z zakonam «Ab milicyi» j zahadam pra vietlivaje abychodžańnie z hramadzianami». U adkazie zaznačajecca, što bieł-čyrvona-bieły ściah Curpanaŭ źniaŭ z haŭbca dobraachvotna j addaŭ jaho milicyjantam sam.
«Dla mianie duža istotna, što milicyjanty pryznali, što byli ŭ majoj kvatery j što prynamsi adzin ściah majecca ŭ ich z troch, jakija jany zabrali. Budu źviartacca ŭ rajadździeł z patrabavańniem viarnuć mnie maje rečy», -- paviedamiŭ V.Curpanaŭ
25 sakavika Vaładar Curpanaŭ vyviesiŭ na haŭbcy svajoj kvatery dva ściahi:bieł-čyrvona-bieły j aficyjny dziaržaŭny. Takim čynam jon adznačaŭ Dzień voli j padkreślivaŭ adzinstva biełaruskaha narodu. Ściahi zastavalisia na haŭbcy čatyry hadziny. Akramia hetych dvuch ściahoŭ milicyjanty ździerli j bieł-čyrvona-bieły ściah, vyviešany ŭ kvatery na ścianie.