List čytača: Akcyja «Biełavija»? 20 jeŭra? Za dva bilety da Prahi treba addać 165 jeŭra
Abmiarkoŭvajcie! Usio ž dobraja akcyja «Biełavija» ci nie?
Promaakcyja «Biełavija» vyklikała žyvuju ŭvahu.
«Pierasyłaju fotaskryn — siońnia nočču chacieŭ zabronić 2 kvitki pa 20 jeŭra — akazałasia, za 2 kvitki treba addać 165 jeŭra. Akcyja vyjšła tak sabie:)))», — iranizuje čytač «Našaj Nivy» Andrej Hrynkievič ź Minska.
Sapraŭdy, promaakcyja choć i pieršaja takaja dla «Biełavija», ale nie samaja ščodraja.
Dla paraŭnańnia: ź Vilni da Prahi adlehłaść takaja samaja. Prosty pošuk u internecie pakazvaje, što tyja samyja dva bilety tudy-nazad ź Vilni da Prahi na tyja samyja 7 i 9 maja možna kupić za amal tyja samyja 179—187 jeŭra, pryčym na samaloty samych roznych kampanij, nie abaviazkova tannych. I heta biez akcyj — a ich za dva miesiacy da 7 maja jašče možna budzie złavić.
Praŭda, vy bačycie, što bilety ź Vilni da Prahi pa takoj canie atrymlivajucca tolki ź pierasiadkami z davoli doŭhim pieryjadam čakańnia.