Praduktovyja kramy ŭ ZŠA spynili prodaž abłuplenych apielsinaŭ z-za tvita
Karystalnikaŭ sacyjalnych sietak aburyła, što sietka kram Whole Foods ŭ ZŠA pačała prodaž abłuplenych i ŭpakavanych u płastykavyja kantejniery apielsinaŭ, paviedamlaje Fox News.
U vyniku krama spyniła prodaž tavaru praź niekalki hadzin paśla źjaŭleńnia pradukcyi ŭ handlovych załach. Sadavina pradavalisia pa $ 5,99 za 1 funt (prykładna 450 h).
«Kali b tolki pryroda mahła prydumać sposab, jak abharnuć hetyja apielsiny, kab my nie tracili stolki płastyku na ich», — napisała adna z karystalnikaŭ tvitara, dadaŭšy fatahrafiju tavaru ŭ adnoj z kramaŭ sietki.
Zapis pierapościli bolš za 70 tys. karystalnikaŭ. Kampanija adkazała: heta «naša pamyłka», i zaraz pamarančy buduć pradavacca tolki ŭ «svajoj naturalnaj abhortcy».