Mužčyna, jaki paviesiŭ ciažarnuju sabaku, aštrafavany na 4,2 młn
Sud Rečyckaha rajona pastanaviŭ aštrafavać na 20 bazavych vieličyń mužčynu, jaki paviesiŭ ŭłasnuju ciažarnuju sabaku, paviedamiła pres-sakratar Homielskaha abłasnoha suda Volha Barsukova.
7 studzienia niedaloka ad vioski branioj Rečyckaha rajona miascovaja žycharka padčas prahułki pa lesie ŭbačyła žudasnuju karcinu: na drevie była paviešana ciažarnaja sabaka. Dziaŭčyna napisała zajavu ŭ milicyju.
U chodzie śledstva padazreńnie trapiłana 51-hadovaha miascovaha žychara. Uvahu milicyjantaŭ pryciahnuła toje, što raniej z padvorka mužčyny ŭvieś čas raznosiŭsia sabačy brech, a padčas abychodu stajała cišynia. Haspadar doma pryznaŭsia, što niekatory čas tamu jaho sabaka panadziłasia prabiracca na čužyja padvorki i napadać na svojskuju ptušku. Z-za hetaha ŭ mužčyny pačalisia prablemy z susiedziami, tamu jon vyrašyŭ pazbavicca ad žyvioły. Sposab prydumaŭ nie samy humanny: advioŭ u les i paviesiŭ. Cieła chacieŭ pachavać, adnak vykapać jamu ŭ mierzłaj ziamli nie zmoh. Tamu pakinuŭ usio jak jość i pajšoŭ dadomu.
Na padstavie art.15.45 KaAP Respubliki Biełaruś (žorstkaje abychodžańnie z žyviołami) mužčynu treba budzie vypłacić štraf u pamiery Br4,2 młn.