Furkad vyjhraŭ sprynt na ČS-2016, Čapielin pakazaŭ najlepšy vynik biełarusaŭ u siezonie
U narviežskim Chałmienkolenie na čempijanacie śvietu pa bijatłonie zaviaršyłasia mužčynskaja spryntarskaja honka na 10 kiłamietraŭ.
Upeŭnienuju pieramohu atrymaŭ francuz Marten Furkad (0+0), jaki na 26 siekundaŭ apiaredziŭ narviežca Ole-Ejnara Bjorndalena (0+0). Treciaje miesca zaniaŭ ukrainiec Siarhiej Siamionaŭ (0 + 0).
Vydatnuju honku pravioŭ Uładzimir Čapielin (1+0), jaki pravioŭ bliskučy finišny kruh, prasunuŭšysia z 25-ha na 13-je. Hety vynik staŭ najlepšym vystupam biełarusaŭ u hetym siezonie ŭ asabistych honkach.
Alaksandr Darožka (0+1) taksama zmoh adabracca ŭ honku pieraśledu i nabrać ački. Jon zaniaŭ 32-y radok u finalnym pratakole.
A voś dla maładych Ramana Jaletnava i Maksima Varabja honka nie skłałasia. Jaletnaŭ (2+2) zaniaŭ 74-je miesca, a Varabiej (1+2) - 79-je.
Siońnia projdzie taksama sprynt u žančyn.