Ščotkina: Dapamoha pa biespracoŭi značna vyraście, kali buduć likvidavacca pradpryjemstvy
Dadatkovyja 8 trłn rubloŭ z reziervaŭ respublikanskaha biudžetu pojduć na pavyšeńnie adrasnaj sacyjalnaj dapamohi (kali budzie pavialičany biudžet pražytačnaha minimumu) i pavyšeńnie dapamohi pa biespracoŭi. Pra heta paviedamiła ministr pracy i sacyjalnaj abarony Maryjana Ščotkina padčas sustrečy kiraŭnikoŭ ahrapramysłovaha kompleksu.
Bymedia.net
— Havorka idzie pra toje, što siońnia ŭ nas pavinny być zareziervavany srodki na pavyšeńnie adrasnaj sacyjalnaj dapamohi, dapamoh pa biespracoŭi. Nielha iści šlacham papularnych fraz, łozunhaŭ: «Davajcie pavialičym heta, davajcie pavialičym to». Zaŭsiody na ŭsie pavinny być zarezervavanyja peŭnyja finansavyja srodki, što i zroblena dziaržavaj, - patłumačyła jana.
Siońnia pamier biudžetu pražytačnaha minimumu — 1 591 310 rubloŭ. Dapamoha pa biespracoŭi — maksimum 420 tysiač.
Pa słovach ministra, kali pavialičać biudžet pražytačnaha minimumu, to vyraście kolkaść siemjaŭ, jakija majuć prava na adrasnuju sacyjalnuju dapamohu. Siońnia siarod ich bolš za 70% - niapoŭnyja i šmatdzietnyja siemji. Na dapamohu im i pojduć srodki z reziervu.
Dapamohu pa biespracoŭi, kaža Maryjana Ščotkina, mohuć pavysić u tym vypadku, kali «ŭźniknie situacyja, kali likvidujucca pradpryjemstvy».
— Nikoli nie budzie šabłonnaha rašeńnia: «Davajcie pavysim dapamohu pa biespracoŭi ŭ hetulki raz». Siońnia dapamoha pa biespracoŭi — da dvuch bazavych vieličyń. Ale treba mieć na ŭvazie: kali čałaviek zarehistravany biespracoŭnym, jon maje prava na adrasnuju sacyjalnuju dapamohu. Jamu naležyć dapłata da biudžetu pražytkovaha minimumu. Ale my siońnia pavinny być hatovyja da roznaha raźvićcia padziej. U nas siońnia niama situacyi, kali likvidujucca pradpryjemstvy, ale kali raptam jana źjavicca, dapamoha pa biespracoŭi budzie značna pavialičana, — dadała jana.
Nahadajem, što kiraŭnik krainy ukazam № 78 ad 23 lutaha 2016 hoda zaćvierdziŭ miery pa pavyšeńni efiektyŭnaści sacyjalna-ekanamičnaha kompleksu. U ich ramkach dla zbałansavanaha vykanańnia biudžetu 2016 hoda i zabieśpiačeńnia sacyjalnaj abarony nasielnictva, dadatkovaj padtrymki małazabiaśpiečanych, uklučajučy piensijanieraŭ, daručana sfarmavać reziervy ŭ respublikanskim biudžecie u pamiery da 8 trłn.