Biełaruś admaŭlajecca puskać ukraincaŭ ź bijamietryčnymi pašpartami
Pašpart hramadzianina Ukrainy ŭ vyhladzie ID-karty pakul nie razhladajecca jak sapraŭdny dakumient dla pierasiačeńnia biełaruskaj miažy, paviedamiła pres-słužba Dziaržpahrankamiteta.
Z 1 studzienia 2016 hoda va Ukrainie ŭviedzienyja ŭnutranyja pašparty novaha ŭzoru ŭ vyhladzie płastykavaj ID-karty. «Ukrainskija hramadzianie pamyłkova raźličvajuć ujechać na terytoryju Respubliki Biełaruś pa hetych novych elektronnych dakumientach», — zaznačyła pres-słužba.
«Zhodna ź dziejnaj dvuchbakovaj damovaj pamiž Respublikaj Biełaruś i Ukrainaj ad 2009 hoda ab biaźvizavych pajezdkach hramadzian novy ŭkrainski pašpart u vyhladzie ID-karty nie praduhledžany jak dakumient dla propusku praź dziaržaŭnuju miažu Biełarusi», — rastłumačyli ŭ pahrankamitecie.
Akramia taho, ukrainski bok da hetaha času nie inicyjavaŭ pracedury pamiž MZS ab pryznańni ID-kart u jakaści sapraŭdnaha dakumienta dla pierasiačeńnia miažy ŭ ramkach biaźvizavych pajezdak.
«Da ŭrehulavańnia hetych pytańniaŭ biełaruski bok moža prapuskać praź miažu hramadzian Ukrainy tolki pa sapraŭdnych dakumientach: zamiežnych pašpartach (dla ŭładalnikaŭ ID-kart) i ŭnutranych pašpartach staroha ŭzoru (u papiarovym vyhladzie)», — padkreśliła pres-słužba DPK.