Aciapleńnie ŭ žyłych damach Miensku ŭklučać nia buduć

Niahledziačy na chałodnaje nadvorje: pavodle prahnozu, siaredniasutačnaja temperatura ŭ najbližejšyja dni taksama budzie nizkaja.

Niahledziačy na chałodnaje nadvorje, aciapleńnie ŭ žyłych damach u Minsku ŭklučać nie buduć. «Aciaplalny siezon zavieršany dla ŭsich katehoryj spažyŭcoŭ», — zajavili BiełaPAN u dyśpietčarskaj UP «Minskkamunciepłasietki».

Pavodle źviestak Respublikanskaha hidramieteacentra, 16 krasavika ŭ Minsku siaredniasutačnaja tempieratura skłała 6,8°S, 17 krasavika — 4,1°S. Pavodle prahnozu, siaredniasutačnaja tempieratura ŭ najbližejšyja dni taksama budzie nizkaja. Zhodna z normami, aciapleńnie padklučajecca paśla taho, jak na praciahu piaci dzion siaredniasutačnaja tempieratura nie pieravyšaje plus 8°S.

Jak patłumačyli BiełaPAN u pres‑słužbie Minharvykankama, isnuje rasparadžeńnie kiraŭnika staličnaj administracyi, u adpaviednaści ź jakim da 1 maja dazvolena ŭklučać aciapleńnie «ŭ vypadku nieabchodnaści» ŭ dziciačych daškolnych ustanovach, lačebna‑prafiłaktyčnych stacyjanarach, damach dziciaci i dziciačych paliklinikach pa ŭzhadnieńni ź ciepłazabiaśpiečvalnymi arhanizacyjami.

Aciapleńnie ŭ Minsku adklučyli 11 krasavika «ŭ suviazi sa spryjalnym prahnozam nadvorja».

Stała viadoma, što ŭ niekatorych haradach na poŭnačy Biełarusi, dzie najbližejšymi dniami sinoptyki prahnazujuć načnyja zamarazki, znoŭ uklučyli aciapleńnie ŭ žyłych damach.

Maryna Nosava, BiełaPAN

Kamientary da artykuła