Try cytaty Łukašenki ab piensijnym uzroście: da vybaraŭ i paśla vybaraŭ
Jak źmianiałasia ciaham hoda rytoryka kiraŭnika dziaržavy ab pavyšeńni piensijnaha ŭzrostu. Try charakternyja cytaty.
Da vybaraŭ
«Piensijny ŭzrost u Biełarusi pavyšacca nie budzie».
Na naradzie pa asobnych pytańniach sacyjalnaha zabieśpiačeńnia, 24.07.2015.
Adrazu paśla vybaraŭ
Alaksandr Łukašenka padkreśliŭ, što pytańnie pavyšeńnia piensijnnaha ŭzrostu moža «vyrašacca praź ludziej».
«My pavinny paraicca ź imi, budziem ich pierakonvać, prasić ich zhody, — zajaviŭ jon. — My paprosim u ich padtrymki. Pahodziacca — praviadziem źmieny. Nie — značyć, nie».
Na naradzie pa aktualnych pytańniach raźvićcia krainy, 20.10.2015.
Praź piać miesiacaŭ paśla vybaraŭ
Prezident Biełarusi Alaksandr Łukašenka ličyć spraviadlivym, kali pavyšeńnie piensijnaha ŭzrostu budzie datyčyć usich.
«Tamu 55-60 hadoŭ - heta narmalny ŭzrost. I skažy žančynie, što jana staraja ŭ 55 hadoŭ abo piensijanierka! Słuchajcie, pakryŭdzicca! Toje ž samaje i pra mužykoŭ možna skazać. Jany demanstratyŭna nie kryŭdziacca, ale ŭ dušy. U 60 hadoŭ mužyk - heta koń, na jakim možna jašče arać płuham».
Na naradzie, pryśviečanaj abmierkavańniu pytańniaŭ raźvićcia piensijnaj sistemy, 10.03.2016.
{POLL#489}