«Jeŭrabačańnie» nie ŭbačyła palityki ŭ pieśni ab departacyi krymskich tataraŭ
Jeŭrapiejski viaščalny sajuz, jaki zajmajecca arhanizacyjaj «Jeŭrabačańnia», nie znajšoŭ palityčnaha kantekstu ŭ pieśni ŭkrainskaj śpiavački Džamały «1944», pryśviečanaj departacyi krymskich tataraŭ
Jeŭrapiejski viaščalny sajuz — arhanizatar «Jeŭrabačańnia» — nie znajšoŭ palityki ni ŭ naźvie, ni ŭ tekście pieśni ŭkrainskaj śpiavački Džamały, jakaja vystupić na konkursie. Pra heta jon paviedamiŭ u Twitter.
Adzin z karystalnikaŭ sacsietki zadaŭ sajuzu pytańnie pra palityčny padtekst u naźvie pieśni, na što toj adkazaŭ: «Ekśpierty pryjšli da vysnovy, što nazva i tekst pieśni nie ŭtrymlivajuć palityčnaha kantekstu i nie parušajuć praviłaŭ «Jeŭrabačańnia».
Pry hetym karystalnik Twitter nahadaŭ pra vypadak armianskaj hrupy Genealogy, jakaja ŭ minułym hodzie dla vystupu na «Jeŭrabačańni» vymušana była źmianić nazvu pieśni z «Do not Deny» na «Face the Shadow», bo ŭ joj uhledzieli namiok na admaŭleńnie hienacydu armian.