U Biełarusi prapanujecca paetapna pavyšać piensijny ŭzrost z 1 studzienia 2017 hoda
U Biełarusi prapanujecca razhledzieć mahčymaść paetapnaha pavyšeńnia piensijnaha ŭzrostu z 1 studzienia 2017 hoda. Pra heta išła razmova siońnia na naradzie kiraŭnika Biełarusi pa pytańniach raźvićcia piensijnaj sistemy.
Jak raspaviała žurnalistam pa vynikach narady ministr pracy i sacyjalnaj abarony Marjana Ščotkina, kančatkovaje rašeńnie pa hetym pytańni budzie pryniata paśla šyrokaha abmierkavańnia.
«Ja źviartaju ŭvahu na toje, što heta prapanova. Heta pieršaje abmierkavańnie ŭ takim šyrokim składzie na ŭzroŭni prezidenta. Tamu kiraŭnik dziaržavy źviarnuŭ uvahu, što abaviazkova pavinna być uličana mierkavańnie hramadstva, vielmi važnaja zvarotnaja suviaź z boku ludziej, - skazała ministr. — Tolki paśla hetaha budzie prymacca kančatkovaje rašeńnie».