Tavar, nabyty ŭ internet-kramie, možna budzie viarnuć na praciahu siami dzion
Tavar, nabyty ŭ internet-kramie, možna budzie viartać na praciahu siami dzion. Takija źmieny źbirajucca ŭnieści ŭ zakon «Ab abaronie pravoŭ spažyŭcoŭ».
— Siońnia viadziecca praca Nacyjanalnym centram zakanadaŭstva i pravavych daśledavańniaŭ sumiesna ź Minhandlu i inšymi zacikaŭlenymi pa ŭniasieńni źmianieńniaŭ i dapaŭnieńniaŭ u zakon «Ab abaronie pravoŭ spažyŭcoŭ», - raspaviała načalnik upraŭleńnia abarony pravoŭ spažyŭcoŭ i kantrolu za rekłamaj Minhandlu Iryna Baryšnikava.
Pavodle jaje słoŭ, śpiecyjalisty chočuć ŭvieści paniaćcie «pieryjadu achałodžvańnia» tavaraŭ, nabytych u internecie, pa pošcie i h.d.
— Miarkujecca, što na praciahu 7 dzion možna budzie viarnuć luby jakasny tavar, — adznačyła Iryna Baryšnikava.
Kali źmieny ŭ zakon buduć pryniatyja, viarnuć možna budzie navat jakasnyja składanatechničnyja tavary (ciapier heta niemahčyma).