Prankier Leksus pryznaŭsia ŭ adpraŭcy lista Saŭčancy ad imia Parašenki
Telefonny prankier Alaksiej Stalaroŭ, viadomy pad psieŭdanimam Leksus, zajaviŭ, što mienavita jon padrabiŭ list, adpraŭleny ŭkrainskaj lotčycy Nadziei Saŭčancy nibyta ad prezidenta Ukrainy Piatra Parašenki.
Pavodle jaho słoŭ, pieršapačatkova jon stelefanavaŭsia z advakatam Nadziei Saŭčanki i nazvaŭsia aficyjnym pradstaŭnikom prezidenta Ukrainy, paviedamlaje Novaja hazieta. «My aformili našu hutarku jak razmovu ŭładaŭ Ukrainy z advakatami. Skazali, što jamu pryjdzie list (ad prezidenta dla Saŭčanki). A sam list adpravili pa elektronnaj pošcie», — zajaviŭ prankier vydańniu.
Pavodle jaho słoŭ, list na samaj spravie i byŭ «zvyčajnaj papierkaj», i prankiery navat nie pasprabavali padrabić jaho pad aficyjny dakumient. «My chacieli zrabić žest, kab sapraŭdny Parašenka źviarnuŭ na heta ŭvahu i, moža być, dapamoh Saŭčancy, kab jana nie haładała. A to my zrabili vysnovu, što ŭładam na jaje naplavać», — vykazaŭ svajo mierkavańnie prankier.
Jak paviedamlałasia, u pres-słužbie prezidenta Ukrainy zajavili, što Piatro Parašenka nie dasyłaŭ list ukrainskaj lotčycy z prośbaj spynić suchuju haładoŭku.