Inflacyja z pačatku 2016 hoda skłała 4,8%
Indeks cen na tavary i pasłuhi ŭ lutym 2016 hoda ŭ paraŭnańni sa studzieniem 2016-ha vyras na 2,9%, sa śniežniem 2015 hoda — na 4,8%, paviedamiŭ Nacyjanalny statystyčny kamitet.
Bazavy indeks spažyvieckich cen, jaki vyklučaŭ źmianieńnie cen na asobnyja tavary i pasłuhi, što źviedvajuć upłyŭ faktaraŭ administracyjnaha i siezonnaha charaktaru, u lutym 2016 hoda ŭ paraŭnańni sa studzieniem vyras na 1,6%, sa śniežniem 2015 hoda — na 3,1%.
U lutym hetaha hoda ŭ paraŭnańni sa studzieniem ceny na charčovyja tavary vyraśli ŭ siarednim na 2,1%, niecharčovyja tavary — na 1,4%, pasłuhi — na 7,5%, da śniežnia 2015-ha — na 3,6%, 2,6% i 11,8% adpaviedna.
Nahadajem, prahnoz inflacyi na 2016 hod składaje nie bolš za 12%. Na dumku ministra ekanomiki Uładzimira Zinoŭskaha, jakuju jon vykazaŭ 14 studzienia ŭ intervju telekanału «Biełaruś 1», inflacyja ŭ Biełarusi ŭ 2016 hodzie budzie dvuchznačnaj. Biudžet Biełarusi na 2016 hod raźličany zychodziačy z cany na naftu 50 dołaraŭ za barel i kursu 63 rasijskich rubla za dołar, adznačyŭ jon. «Kali barel nafty na siońniašni dzień amal 30 dołaraŭ kaštuje i kurs rasijskaha rubla za 75 da dołara, my razumiejem, što taja inflacyja, jakuju my prahnazavali pry inšych kursach na 2016 hod, naŭrad ci moža spraŭdzicca. Na siońniašni dzień my možam havaryć śmieła, što inflacyja budzie dvuchznačnaj ličbaj. Jakaja jana budzie — 14%, 15%, składana pakul skazać, my robim peŭnyja raźliki», — zajaviŭ ministr. Razam z tym, na dumku kiraŭnika Minekanomiki, inflacyja ŭ 2016 hodzie nie budzie bolšaj za 17—18%.
«Dumaju, pry lubym raskładzie takaja inflacyja nie budzie. Urad pracuje razam z Nacyjanalnym bankam, kab tak i było», — adznačyŭ Zinoŭski.