The Huffington Post: Niamieckaja vyviedka papiaredžvaje pra płan Pucina pa raskole Hiermanii
Pasiadžeńnie parłamienckaha kantrolnaha orhana Bundestaha było całkam sakretnym. U siaredzinie lutaha namieśnik kiraŭnika źniešniaj raźviedki Hida Miuler i prezident Fiederalnaj słužby abarony kanstytucyi Chans-Hieorh Maas prainfarmavali členaŭ orhana ab sprobach Rasii ŭmiašacca ŭ niamieckuju palityku z dapamohaj prapahandy.
Reuters
Pra heta piša Bieńjamin Prufier u artykule «Niamieckaja vyviedka papiaredžvaje: Z dapamohaj hetaha płana Pucin choča raskałoć Hiermaniju», apublikavanym na sajcie vydańnia The Huffington Post.
Śpiecsłužby pryjšli da zmročnaj vysnovy. Meta Uładzimira Pucina — «destabilizacyja Hiermanii». Pra heta paviedamlaje hazieta Bild.
«Vysoki mabilizacyjny patencyjał» siarod rasijskich niemcaŭ
Zahad ab praviadzieńni dadzienaha rasśledavańnia addaŭ fiederalny ŭrad. Pavodle abodvuch načalnikaŭ niamieckaj vyviedki, tryvohu vyklikaje asabliva «vysoki mabilizacyjny patencyjał» siarod bolš čym dvuch miljonaŭ rasijskich niemcaŭ u Hiermanii.
U jakaści «asnoŭnaha prykładu» kiraŭniki viedamstvaŭ nazvali vypadak ź nibyta zhvałtavańniem dziaŭčyny Lizy F. ź Bierlin-Marcano.
Dziaŭčyna śćviardžała, što była zhvałtavanaja mihrantami. Paźniej palicyja zajaviła, što jana heta prydumała. Ministr zamiežnych spraŭ Rasii skarystaŭsia hetym vypadkam, kab abvinavacić niamieckija ŚMI i palitykaŭ u tym, što jany chavajuć prablemy ź mihrantami.
Abjadnańni rasijskich niemcaŭ pad nahladam vyviedki
Heta, u svaju čarhu, pryviało da taho, što 700 čałaviek, u asnoŭnym ruskaha pachodžańnia, u Bierlinie vyjšli na demanstracyju, pratestujučy suprać złačynstvaŭ zamiežnikaŭ. Za demanstracyjaj nazirali šmatlikija rasiejskija ŚMI.
Maskva lohka moža pryciahnuć rasijskich niemcaŭ da ŭdziełu ŭ demanstracyjach. Dokazam hetaha słužać ahulnanacyjanalnyja demanstracyi, u tym liku pierad kancylaryjaj.
Niamieckija orhany biaśpieki ŭ ciapierašni čas sočać za niekalkimi abjadnańniami i arhanizacyjami, jakija byli zasnavanyja rasijskimi niemcami. Pavodle infarmacyi haziety Bild, u pole zroku śpiecsłužbaŭ patrapili taksama asobnyja pradstaŭniki ziamlactva niemcaŭ z Rasii.
«Rasija choča źmienaŭ na čale ŭrada»
Kiraŭniki raźviedki zajaŭlajuć, što ŭrad Rasii naŭmysna vykarystoŭvaje ŚMI krainy, kab dyskredytavać Hiermaniju i fiederalny ŭrad.
U jakaści prykładu jany nazvali intervju z rasijskimi niemcami, jakija nibyta viarnulisia ŭ Rasiju, bo praź biežancaŭ Hiermanija bolš nie biaśpiečnaja.
U hetyja vychadnyja kiraŭnik centra kamunikacyi NATA ŭ Łatvii Janis Sarts papiaredziŭ pra ŭmiašańnie Rasii ŭ niamieckuju palityku. Jon skazaŭ brytanskaj haziecie Observer:
«Rasija buduje sietku, jakuju moža kantralavać. Jana moža skarystacca joju, jak u Hiermanii, dzie jana z dapamohaj prablemy ź biežancami samym surjoznym čynam padarvała palityčnyja pracesy. Anhieła Mierkiel rašuča padtrymlivaje sankcyi suprać Rasii».
Praź isnujučuju prablemu Rasija sprabuje stvaryć dynamiku, jakaja pryviadzie da palityčnych źmienaŭ u Hiermanii. «Rasija praviaraje, ci zmoža jana ažyćciavić źmieny na čale ŭrada ŭ takoj bujnoj i stabilnaj krainie», — skazaŭ Sarts.
Inšymi słovami, Rasija choča zrynuć Anhiełu Mierkiel, havorycca ŭ artykule.