«Adzin rezaŭ, piać hladzieła i kuryła»
Turma płača pa tych, chto hetuju sistemu haduje! Piša Vasil Hryń.
Siudy na chutar pryjechać na «hazonie» z kunham! U supravadžeńni traktara «Biełarusa» ź lulkaj, u samuju słotu, kali daroha paraskisaŭšy. Až da kardana zrabili kalainu mietraŭ sto, u nizincy. A kamanda — 6 čałaviek, z nadpisam na bartach kunha – «Elektrasietki»! Zapalenyja fary, a 8-j ranicy ŭ tumanie sunucca, ravuć matory. Z akna chaty vyhladała jak tanki jeduć…
Pryjechali pad jabłyni pad dratami… Lulka nie rabiła. Pamaciukalisia, pryviazali nažoŭku da niejkaj rejki trochmietrovaj, zrezali try halinki. Adzin rezaŭ, piać hladzieła i kuryła, nakidali byčkoŭ. Sieli nazad u kunh i traktar i pašybavali na Haradečna, zrabiŭšy kalainu jašče hłybiejšuju.
Prosta kapiec! Stolki salary spalili, a 6 čałaviek! I ručnaja piłka na pałcy, jakaja pryjechała takoj technikaj! Efiektyŭniej było b kupić maleńkuju bienzapiłu dy džypik ci jakuju buchanku, na dachu drabina, unutry dźvie abviazki i dva čałavieki…
A tak — prosta idyjatyzm, psavańnie darohi i płač turmy pa tych, chto hetuju sistemu dahetul haduje.