Ministr abarony Polščy nazvaŭ avijakatastrofu pad Smalenskam teraktam
Ministr abarony Polščy Antoni Macerevič ličyć, što katastrofa Tu-154M pad Smalenskam była teraktam. Na jaho dumku, jon byŭ nakiravany na toje, kab «pazbavić Polšču kiraŭnictva, jakoje viało krainu da niezaležnaści»
Ministr abarony Polščy Antoni Macerevič nazvaŭ «terarystyčnym aktam» avijakatastrofu pad Smalenskam u krasaviku 2010 hoda, u jakoj zahinuŭ prezident krainy Lech Kačyński.
Pa słovach Macereviča, hetaja akcyja była nakiravanaja na toje, kab pazbavić Polšču ludziej, jakija «viali krainu da niezaležnaści».
«Niama sumnieńniaŭ u tym, što toje, što adbyłosia pad Smalenskam, było nakiravana na pazbaŭleńnie Polščy kiraŭnictva, jakoje viało našu krainu da niezaležnaści», — pryvodzić słovy Macereviča Reuters. Ahienctva dadaje, što zajavy polskaha ministra prahučali ŭ chodzie jaho vystupu na kanfierencyi, pryśviečanaj vyrašeńnia prablem uzbrojenych kanfliktaŭ i teraryzmu.