Miłonaŭ zaklikaŭ abaviazać avijakampanii prapanoŭvać posnaje mieniu ŭ samalotach
Miłonaŭ — u centry. Fota: Alaksiej Daničaŭ / RIA Novosti
Deputat zakanadaŭčaha schodu Sankt-Pieciarburha Vital Miłonaŭ u efiry radyjostancyi «Russkaja słužba novostiej» prapanavaŭ na zakanadaŭčym uzroŭni abaviazać nacyjanalnych avijapieravozčykaŭ padavać pasažyram posnyja stravy padčas Vialikaha postu.
«Pasprabujcie sieści ŭ samalot, kali vy zahadzia nia zamovili sabie ježu, vas buduć špihavać napampavanaj sojaj i chimikatami kurycaj. Śvininu jany nie dajuć, tamu što mohuć lacieć musulmanie, a na pravasłaŭnych im naplavać. Ci składana zrabić posny buterbrod? A kali zamović posnaje, vam pryniasuć kapusny list i morkvu», — zajaviŭ Miłonaŭ.
Miž tym, krynica RSN ŭ Mintransie paviedamiła, što ŭ śvieckaj dziaržavie nielha abaviazać kamiercyjnaha pieravozčyka karmić pasažyraŭ u adpaviednaści z relihijnymi patrabavańniami, bo dadzienaja pasłuha nie źjaŭlajecca pryjarytetnaj dla avijakampanij.
Vital Miłonaŭ viadomy, u pryvatnaści, jak aŭtar zakona ab zabaronie hiej-prapahandy ŭ Rasii. Taksama Miłonaŭ zaklikaŭ zaćvierdzić dziaržaŭnuju ideałohiju RF na pryncypach tradycyjnych relihij.