Surykaŭ prakamientavaŭ prablemu vykarystańnia słova «Biełoruśsija»
Aficyjnaja nazva sučasnaj biełaruskaj dziaržavy — Respublika Biełaruś, zajaviŭ Nadzvyčajny i Paŭnamocny Pasoł Rasii ŭ Biełarusi Alaksandr Surykaŭ u efiry telekanała «Biełaruś-1».
«Vy viedajecie, ja b nie lez u hetyja linhvistyčnyja sprečki, — skazaŭ dypłamat. — Dla mianie jość adno hałoŭnaje paniaćcie: ja — pasoł u suvierennaj dziaržavie, zvanaj pa Kanstytucyi — Biełaruś». Pasoł takim čynam adkazaŭ na pytańnie pra toje, što ŭ Rasii mnohija ŚMI ŭparta praciahvajuć nazyvać sučasnuju Biełaruś pa-staromu — Biełoruśsija.
Alaksandr Surykaŭ taksama prakamientavaŭ zajavy niekatorych rasijskich maśmiedyja z nahody nibyta realnaha ŭščamleńnia ruskaj movy ŭ Biełarusi. «Kamu ŭ hałavu zajdzie, što tut ŭščamlajecca ruskaja mova? — zadaŭ rytaryčnaje pytańnie pasoł. — Jana źjaŭlajecca tut dziaržaŭnaj».