Vyznačany terminy praviadzieńnia ŭstupnaj kampanii ŭ VNU
Vyznačany terminy praviadzieńnia ŭstupnaj kampanii va ŭstanovach vyšejšaj adukacyi Biełarusi. Pastanova Ministerstva adukacyi ad 14 sakavika 2016 h. № 13 «Ab terminach praviadzieńnia ŭ 2016 hodzie ustupnaj kampanii dla atrymańnia vyšejšaj adukacyi I stupieni» apublikavana na Nacyjanalnym pravavym internet-partale.
Z metaj bolš poŭnaha zadavalnieńnia patrebaŭ abituryjentaŭ praduhledžana raźviadzieńnie pa terminach pryjomu za košt srodkaŭ biudžetu (bolš rannija časovyja ramki) i pryjomu na płatnaj asnovie (paźniejšyja časovyja ramki). Praduhledžana zadavalnieńnie intaresaŭ abituryjentaŭ, jakija nie prajšli pa konkursie na śpiecyjalnaści, jakija patrabujuć śpiecyjalnaha prafiesijnaha adboru (tvorčyja, siłavyja). Dla ich ustanoŭleny bolš rannija časovyja ramki pryjomnaj kampanii. Rehłamientavany časovyja ramki arhanizacyi pryjomu na sielskahaspadarčyja śpiecyjalnaści, pastupleńnie na jakija mahčyma tolki paśla zaviaršeńnia sielhasrabot.
U paraŭnańni z 2015 hodam skaročanyja na 1 dzień terminy pryjomu dakumientaŭ na biudžet — z 8 pa 14 lipienia (u 2015 hodzie pryjom dakumientaŭ na biudžet zaviaršaŭsia 15 lipienia).
Z 15 lipienia pačynajucca ŭstupnyja vyprabavańni, jakija pravodziacca niepasredna va ŭstanovach adukacyi (pa tvorčaści, fizičnaj kultury, a taksama dla abituryjentaŭ, jakija pastupajuć dla atrymańnia vyšejšaj adukacyi ŭ skaročany termin na asnovie siaredniaj śpiecyjalnaj adukacyi). Usie ŭstupnyja ispyty arhanizavany tolki ŭ adnu siesiju, jak dla asob, jakija pastupajuć za košt srodkaŭ biudžetu, tak i na płatnaj asnovie.
Pavialičany na 1 dzień terminy zaličeńnia na płatnaj asnovie dla hramadzian Biełarusi - z 2 pa 4 žniŭnia (u 2015 hodzie zaličeńnie pravodziłasia dva dni - 3 i 4 žniŭnia).