Minhandlu prypyniŭ pracu siami firmovych kram «Spartaka»
Časova prypynienaja praca siami firmovych kramaŭ kandytarskaj fabryki «Spartak» — čatyroch u Homieli i troch u stalicy.
Padčas pravierki inśpiektary zafiksavali parušeńni pa asartymiencie ajčynnaj pradukcyi, afarmleńni ceńnikaŭ i naładkach kasavych aparataŭ. Taksama pakupnikam paviedamlałasia niedakładnaja infarmacyja pra źnižki i akcyi. Zrešty, radykalnych mier, na dumku kantraloraŭ, možna było paźbiehnuć, kali b fabryka svoječasova likvidavała ŭsie niedachopy.
«Pradpisańniem Ministerstva handlu ad 15 sakavika było dadziena bolš za 10 dzion da 28 sakavika kiraŭnictvu «Spartaka» pryniać vyčarpalnyja miery pa likvidacyi vyjaŭlenych parušeńniaŭ. Na 28 sakavika parušeńni nie byli likvidavany. Učora tolki byli padadzieny dakumienty ab likvidacyi parušeńniaŭ. Budzie pryznačanaja kantrolnaja pravierka, paśla jakoj pry paćvierdžańni faktaŭ likvidacyi parušeńniaŭ budzie razhledžana pytańnie ab adkryćci hetych kram», — paviedamiŭ Alaksiej Bajaryn, načalnik terytaryjalnaha adździeła kantrolu handlovaj inśpiekcyi pa Homielskaj vobłaści.
U niekatorych kramach kantrolnyja pravierki ŭžo prajšli. U Ministerstvie nie vyklučajuć, što handlovyja abjekty adkryjucca ŭ najbližejšy čas.