Ułady KNDR zaklikali hramadzian rychtavacca da hoładu
Ułady Paŭnočnaj Karei zaklikali hramadzian krainy rychtavacca da niedachopu charčavańnia i ciažkaj ekanamičnaj situacyi.
Pra heta, paviedamlaje paŭdniovakarejskaja hazieta The Chosun Ilbo, havorycca ŭ redakcyjnym artykule, apublikavanym u aficyjnym vydańni KNDR «Nadon sinmun».
«Šlach da revalucyi doŭhi i ciažki. Nas moža čakać ciažki marš, padčas jakoha nam znoŭ pryjdziecca jeści karani raślin», — havorycca ŭ artykule.
«Ciažki marš» — nazva trochhadovaha hoładu ŭ Paŭnočnaj Karei, ad jakoha ŭ siaredzinie 1990-ch hadoŭ pamierli ad 900 tysiač da 2,4 miljona čałaviek.
Krynica paŭdniovakarejskaj The Chosun Ilbo skazała, što ŭłady KNDR užo pačali prahramu žorstkaj ekanomii praduktaŭ na fonie ŭzmacnieńnia žorstkaści sankcyj. U pryvatnaści, było abvieščana, što kožny žychar krainy pavinien štomiesiac zdavać pa 1 kiłahramu zbožža.