Biełaruś atrymała $500 miljonaŭ jeŭrazijskaha kredytu
Biełaruś vykanała ŭmovy dla atrymańnia pieršaha tranšu finansavaha kredytu Jeŭrazijskaha fondu stabilizacyi i raźvićcia, padpisanaha ŭ Maskvie 25 sakavika 2016 hoda, i ŭ sieradu srodki ŭ pamiery 500 młn dalaraŭ pastupili ŭ respublikanski biudžet, paviedamiŭ Minfin Biełarusi.
Saviet JEFSR uchvaliŭ vyłučeńnie finansavaha kredytu Biełarusi ŭ pamiery 2 młrd dalaraŭ. Srodki buduć pradastaŭleny siamju tranšami na praciahu 2016-2018 hadoŭ, pry hetym pieršy tranš u pamiery 500 młn dalaraŭ (raniej čakałasia, što pieršy tranš budzie ŭ pamiery 1,1 młrd dalaraŭ.)
Kredyt padtrymaje prahramu reformaŭ ŭrada i Nacbanka Biełarusi, jakaja składajecca z dvuch bujnych błokaŭ mier ekanamičnaj palityki — stvareńnie makraekanamičnych pieradumoŭ ekanamičnaha rostu i praviadzieńnie rynkavych reformaŭ, nakiravanych na zabieśpiačeńnie jaho ŭstojlivaści.
Strukturnyja miery palityki praduhledžvajuć, u pryvatnaści, značnaje pavieličeńnie ŭzroŭniu kampiensacyi vydatkaŭ na ŽKH taryfami dla nasielnictva z 30% na kaniec 2015 h. da 70% - na kaniec 2017 hoda, što pryviadzie da skaračeńnia biudžetnych subsidyj pradpryjemstvam ŽKH, racyjanalizacyi spažyvańnia pasłuh ŽKH nasielnictvam i skaračeńnia pierakryžavanaha subsidziravańnia jak važnaha faktaru pavyšeńnia kankurentazdolnaści biełaruskaj ekanomiki.