AAN daje hrošy na adnaŭleńnie siadziby XIX stahodździa ŭ Žłobinskim rajonie
Ideja prajekta — adradžeńnie siadziby Kozieł-Pakleŭskich XIX stahodździa ŭ vioscy Čyrvony Bierah i stvareńnie ŭ joj etnazony.
Bolšaja častka hrašovych srodkaŭ pojdzie na kuplu rarytetnaj mebli u pustyja interjery adrestaŭravanaj siadziby i na adradžeńnie parku vakoł jaje, uklučanaha ŭ śpis pomnikaŭ pryrody respublikanskaha značeńnia.
U parku płanujuć abnavić pasadki i vysadzić dekaratyŭnyja chmyźniaki. Važna ŭdychnuć žyćcio ŭ histaryčnyja ścieny, raspaviała dyrektar muzieja Nina Štejnier:
— My stvarajem sistemu siekcyj-kłubaŭ, jakija zaklikany adradzić narodnyja ramiostvy i miascovyja kulturnyja tradycyi. Dla žycharoŭ Čyrvonaha Bieraha ŭžo pracujuć navučalnyja majsterni pa łozaplacieńni, hančarnaj spravie, vyrabie lalek-abiarehaŭ. U płanach stvareńnie miascovaj kulinarnaj škoły, zasnavanaj na receptach panskaj kuchni, i kłuba rekanstrukcyi histaryčnaha adzieńnia. Praz paŭhoda — u vieraśni — pa vynikach pracy našaha prajekta źbirajemsia pravieści etnafiestyval, jaki, spadziajomsia, stanie štohadovym.