Jakim biznesam zajmajecca siamja Juryja Čyža?
Za apošnija piać hadoŭ biznes Juryja Čyža pieratvaryŭsia ŭ siamiejnuju spravu.
Naviny.by daviedalisia, čym zajmajucca žonka i dzieci aryštavanaha zasnavalnika kampanii «Trajpł».
Žonka Śviatłana Čyž
Z budučaj žonkaj Juryj Čyž paznajomiŭsia, kali pracavaŭ na Minskim traktarnym zavodzie, kudy trapiŭ pa raźmierkavańni paśla vučoby na elektratechničnym fakultecie Biełaruskaha politechničnaha instytuta.
«Ažaniŭsia, pracujučy ŭžo na zavodzie. Žonka, Śviatłana, vučyłasia na tym ža fakultecie, na try hady maładziejšaja», — raspaviadaŭ jon haziecie «Ekspres Naviny».
Biznesam Śviatłana Čyž zaniałasia, kali pastaleli dzieci.
«Svoj asnoŭny, skažam tak, hramadzianski abaviazak jana vykanała — naradziła i vychavała traich dziaciej. Zachaciełasia realizavać siabie. Jana całkam zachoplenaja svajoj pracaj», — kazaŭ u intervju haziecie «Narodnaja vola» kiraŭnik kampanii «Trajpł».
Akramia hetaha, pavodle dadzienych Ministerstva justycyi, Śviatłanie Čyž naležyć 3,18% u statutnym fondzie STAA «Elit Estejt». Kampanija viadzie budaŭnictva šmatfunkcyjanalnaha kompleksu kala cyrka.
Starejšy syn Siarhiej Čyž
Starejšy syn biznesmiena Siarhiej Čyž vučyŭsia va ŭniviersiteckim kaledžy Łondana i Oksfardskim univiersitecie.
«Synu było ciažka ŭ Anhlii, jaho ciahnuła dadomu, ale jon tryvaŭ. A kali skončyŭ navučańnie, skazaŭ, što chacieŭ by viarnucca. Zaraz pracuje razam sa mnoj», — raspaviadaŭ haziecie «Narodnaja vola» Jury Čyž.
Siarhiej Čyž i jaho žonka Palina
Piać hadoŭ tamu ŭ intervju haziecie «Majak» biznesmien kazaŭ, što jaho starejšy syn pracuje ŭ struktury ProStore. Sietka hipiermarkietaŭ ŭvachodzić u hrupu kampanij «Trajpł», asnoŭnym uładalnikam jakoj źjaŭlajecca Juryj Čyž.
Viadoma taksama, što ŭ 2013 hodzie Siarhiej Čyž staŭ členam naziralnaj rady AAT «Minski zavod pienistych vin», akcyjami jakoha vałodaje «Trajpł».
Akramia taho, pavodle dadzienych Miniusta, Siarhieju Čyžu naležyć 47,16% u statutnym fondzie STAA «Danprod», jakoje śpiecyjalizujecca na vytvorčaści śvininy, a taksama 30% u statutnym fondzie TAA «Propierti mieniedžmient hrup», jakoje realizuje pradukcyju AAT «Biarozaŭski kambinat silikatnych vyrabaŭ» i SZAT «Kvarcmiełpram», jakija ŭvachodziać u hrupu kampanij «Trajpł».
Dačka Taćciana Čyž
Siaredniaja dačka Taćciana Čyž vučyłasia haściničnamu biznesu ŭ Šviejcaryi.
«U nas ciapier adzin cikavy prajekt u śfiery haściničnaha biznesu z suśvietnym brendam «Kiempinski». I dačka Taćciana abrała kirunak haściničnaha biźniesu, vučycca ŭ Šviejcaryi. Joj padabajecca», — kazaŭ Jury Čyž haziecie «Majak» u 2011 hodzie.
Taćciana Čyž (sprava) z baćkami
Časopis La Dolce Vita u červieni 2015 hoda pisaŭ, što Taćciana Čyž atrymała «vydatnuju adukacyju ŭ Šviejcaryi» i «kiruje častkaj restarannaj spravy ŭ biznesie baćki».
Pad dadzienych Miniusta, dačce Juryja Čyža taksama naležyć 70% u statutnym fondzie TAA «Propierti mieniedžmient hrup».
Małodšy syn Uładzimir Čyž
Małodšy syn pakul nie ŭciahnuty ŭ siamiejny biznes, ale, pa niepaćvierdžanaj infarmacyi, choča stać mieniedžpram ZAT «CHK «Dynama-Minsk», kantrolnym pakietam akcyj jakoha vałodaje «Trajpł».
Braty Siarhiej i Uładzimir
Braty Alaksandr Čyž i Anatol Čyž
Na svajoj radzimie — u Biarozaŭskim rajonie — Juryj Čyž zasnavaŭ kampaniju «Varyjant», jakaja vyrablaje draŭlanyja vokny i dźviery, a taksama chaty z klejenaha brusa.
Brat biznesmiena Alaksandr Čyž źjaŭlajecca jaje saŭładalnikam z dnia zasnavańnia. Da maja 2015 hoda saŭładalnikam kampanii taksama źjaŭlaŭsia jašče adzin brat biznesmiena Anatol Čyž. Ciapier, pa dadzienych Miniusta, 50% u statutnym fondzie TAA «Varyjant» naležać Alaksandru Čyžu, astatnija 50% — Andreju Čyžu, synu Anatola Čyža i plamieńniku Juryja Čyža.