Parašenka paviedamiŭ novyja źviestki strataŭ armii ŭ Danbasie
U chodzie vajennych dziejańniaŭ u zonie ŭzbrojenaha kanfliktu ŭ Danbasie ŭkrainskaja armija straciła zabitymi bolš za 2,7 tys. čałaviek, zajaviŭ padčas svajho vystupu ŭ ZŠA prezident Ukrainy Piatro Parašenka.
Pavodle jaho słoŭ, vajskoŭcy zahinuli «ad ahniu abjadnanych rasijska-terarystyčnych sił».
Ahulnuju kolkaść zahinułych u zonie kanfliktu Parašenka acaniŭ u 10 tysiač čałaviek.
Jon taksama zajaviŭ, što ŭ pałonie ŭ uzbrojenych farmiravańniaŭ na ŭschodzie Ukrainy zastajucca 120 čałaviek, vyzvaleńnia jakich ukrainskija ŭłady nijak nie mohuć damahčysia. Akramia taho, pavodle jaho słoŭ, u rasijskich turmach zaraz znachodziacca 11 palityčnych źniavolenych z Ukrainy.