Tramp: Za aborty treba karać nie žančyn, a daktaroŭ
Pretendent na zvańnie kandydata ŭ prezidenty ZŠA ad Respublikanskaj partyi Donald Tramp adkarektavaŭ svaju pazicyju ŭ dačynieńni da abortaŭ paśla taho, jak jaho vykazvańni na hety kont vyklikali adnolkava hnieŭnuju reakcyju jak prychilnikaŭ, tak i praciŭnikaŭ pierapynieńnia ciažarnaści.
U pryvatnaści, Tramp, zajaviŭ, što rašeńni ab zabaronie abo lehalizacyi abortaŭ pavinny prymać ułady asobnych štataŭ, a nie fiederalnaja ŭłada, bo heta nieadnaznačnaje pytańnie. Pry hetym raniej jon kazaŭ, što ŭ cełym padtrymlivaje ideju zabarony abortaŭ u ZŠA.
Akramia taho, Tramp źmianiŭ svajo mierkavańnie pra toje, chto pavinien nieści kryminalnuju adkaznaść za niezakonnaje praviadzieńnie abortaŭ u vypadku ich zabarony. Kali pieršapačatkova jon vykazvaŭsia za pakarańnie dla samich žančyn, jakija pajšli na taki krok, to ciapier jon vystupaje za pryciahnieńnie da adkaznaści daktaroŭ, jakija pahadzilisia pravieści padpolnuju apieracyju.
Papiarednija vykazvańni Tramp, jakija vyklikali škvał krytyki ŭ jaho adras, byli zrobleny im u intervju telekanału MSBNC. Jon zajaviŭ, što padtrymlivaje zabaronu na aborty na terytoryi krainy, dapuściŭšy, što z hetaha praviła mohuć być niekatoryja vyklučeńni.
«Maja pazicyja niaźmiennaja: jak i Ronald Rejhan, ja vystupaju za žyćcio [nienarodžanaha niemaŭla], ale ź niekatorymi vyklučeńniami», - skazaŭ Tramp.
Prychilniki abortaŭ paličyli takuju pazicyju parušeńniem prava žančyn rasparadžacca ŭłasnym ciełam.
U svaju čarhu, praciŭniki abortaŭ vykazali niezadavolenaść namieram Tramp karać za ich žančyn. Tradycyjna aktyvisty, jakija vystupajuć suprać abortaŭ, zaklikajuć ŭskładać adkaznaść nie na žančyn, a na lekaraŭ, jakija pravodziać apieracyju.
Pa słovach Trampa, u minułym jon byŭ zaŭziatym prychilnikam abortaŭ, adnak z taho času, skazaŭ jon, jaho mierkavańnie pa hetym pytańni źviedała evalucyju.