Mikoła Zhubarevič. Śvietłaj pamiaci Niła Hileviča
Prasłaviŭ naš łahojski kraj
Jon hodna, jak nichto nikoli.
«Žyvi ž u sercach i byvaj!» —
Słavianski śviet smutkuje z bolem.
Jon staŭsia ŭ viečnaści Paet,
Dla nas ža budzie viečna rodny,
Stvaryŭ dušy svajoj saniet
Prystojnaj i vysakarodnaj.
I zdoleŭ stolki nam skazać,
Dy tak, što serca skałyniecca,
Što možna płakać i śpiavać,
Bo duch Radzimy pulsam bjecca.
Jak maci, movu baraniŭ
Addana j niepadkupna- ščyra,
Ziamlu svaju jon tak lubiŭ,
Nibyta vieraśniovy vyraj.
Jon talent nam spaŭna addaŭ,
Śviatoj ličyŭ svaju Ajčynu,
Apošnim jon narodnym staŭ,
Sapraŭdnym Biełarusi synam.