Dla Aun San Su Čžy ŭviaduć u Birmie śpiecyjalnuju pasadu
U parłamient Birmy ŭniesieny zakonaprajekt, jaki stvaraje novuju dziaržaŭnuju pasadu śpiecyjalna dla lidara Nacyjanalnaj lihi za demakratyju i łaŭreata Nobieleŭskaj premii miru Aun San Su Čžy.
Hetaja pasada budzie nazyvacca «dziaržaŭny daradca» ci «dziaržaŭny kancler», pa sutnaści ž čałaviek, jaki zajmaje hetuju pasadu, budzie vałodać paŭnamoctvami premjer-ministra krainy.
Zhodna z zakonaprajektam, dziaržaŭny kancler budzie realizoŭvać čatyry zadačy: raźvićcio parłamienckaj demakratyi, palapšeńnie stanu ekanomiki, stvareńnie fiederatyŭnaj dziaržavy i padtrymańnie miru.
Aun San Su Čžy, jakoj kanstytucyja zabaraniaje zajmać pasadu prezidenta, pryviała svaju partyju da maštabnaj pieramohi na vybarach u listapadzie minułaha hoda.
U vyniku da ŭłady ŭ krainie pryjšoŭ pieršy za apošnija 50 hadoŭ čałaviek, jaki nie maje adnosin da vajskoŭcaŭ. Napiaredadni Tchin Čžo byŭ pryviedzieny da prysiahi jak prezident Birmy.
Abmiežavańni dla Aun San Su Čžy vyklikanyja tym, što jaje muž — brytaniec, a darosłyja dzieci majuć hramadzianstva inšych dziaržaŭ.
U toj ža čas sama apazicyjanierka raniej kazała, što maje namier upłyvać na palityku krainy macniej, čym farmalny prezident