«Isłamskaja dziaržava» ŭziała adkaznaść za vybuch na KPP u Dahiestanie
Terarystyčnaja arhanizacyja «Isłamskaja dziaržava» ŭziała na siabie adkaznaść za vybuch na KPP u dahiestanskim pasiołku Sirtyč, jaki adbyŭsia 30 sakavika.
Paviedamleńnie ab hetym, pavodle dadzienych arhanizacyi SITE, jakaja zajmajecca manitorynham ekstremisckich resursaŭ, źjaviłasia na adnym ź źviazanych ź ID sajtaŭ.
30 sakavika na KPP u pasiołku Sirtyč Tabasaranskaha rajona Dahiestana (Rasija) vybuchnuŭ aŭtamabil, spynieny dla pravierki dakumientaŭ. U aŭtamabili znachodziŭsia jak minimum adzin teraryst-śmiarotnik. U vyniku vybuchu adzin z palicejskich, jakija dziažuryli na KPP zahinuŭ, jašče adzin atrymaŭ ranieńni.