Minskija antyfašysty praviali akcyju la budynka Śledčaha kamiteta
Śledčy kamitet źmianiŭ abvinavačańnie dvum zatrymanym 23 sakavika pradstaŭnikam ruchu antyfašystaŭ na bolš ciažkaje. U znak salidarnaści ich siabry paviesili la budynka SK raściažku z nadpisam «Volu antyfa».
Pra heta minskija antyfašysty paviedamili na staroncy svajoj supolnaści ŭ sacyjalnaj sietcy«Vkontaktie».
«Uviečary 29 sakavika stała viadoma, što dvum aryštavanym antyfašystam, Vadzimu Bojku i Illi Vałoviku, u jakoha nieŭzabavie narodzicca dzicia, Śledčy kamitet vystaviŭ abvinavačvańnie, i ciapier jany źjaŭlajucca abvinavačanymi pavodle č.3 art.339 KK RB («Asabliva złosnaje chulihanstva»). Hety artykuł praduhledžvaje pakarańnie ŭ vyhladzie pazbaŭleńnia voli terminam da 10 hadoŭ».
Nahadajem, što 23 sakavika prajšło bolš za 20 vobšukaŭ u kvaterach minskich antyfašystaŭ.
Pieratrusy byli źviazany z kryminalnaj spravaj, jakaja zaviedzienaja amal 2 hady tamu.
29 červienia 2014 hoda adbyłasia bojka na prypynku «Univiersam» na vulicy Nieścierava, a paśla nieviadomyja raźbili škło ŭ tralejbusie. Žonka Vałovika Alona kaža, što jaje muža i mnohich znajomych užo dapytvali raniej pa hetaj spravie. Ale ciapier jaje vyrašyli znoŭ adnavić.