U Łobava — pieratrus, u jaho maci parvali vopratku i zabrali mabilny telefon
U minskaj kvatery byłoha palitźniavolenaha Eduarda Łobava, jaki ciapier va Ukrainie, adbyŭsia pieratrus. Zdaryłasia heta siońnia ŭ 8.30 ranicy. Pieratrusam kiravaŭ starejšy apierupaŭnavažany HUBAZ Minharvykankama Raman Kižapin.
Raspaviadaje maci — Maryna Łobava:
«Ja vychodziła vyhulvać sabak, kala lifta mianie čakali try vysokija mužčyny ŭ cyvilnym. Jany pradjavili pastanovu na pieratrus, padpisanuju prakuroram u suviazi z tym, što suprać Edzika raspačataja kryminalnaja sprava za ŭdzieł u vajennych dziejańniach va Ukrainie.
Mianie prymusili viarnucca ŭ kvateru. Zajšli sami i pryviali paniatych. Niekalki supracoŭnikaŭ zastalisia achoŭvać uvachod u kvateru.
Padčas pieratrusu zabrali dva noŭtbuki — moj i majho muža. Taksama pracesar (systemny błok) ad kampjutara, niekalki fłešak i knihu pra «Małady Front» i pazbaŭleny rehistracyi pravaabarončy centar «Viasna».
U parušeńnie zakonu siłaj z majoj kišeni zabrali mabilny telefon. Pastanova była na pieratrus u kvatery, a nie na asabisty ahlad — tamu heta parušeńnie. Ja ŭžo nie kažu pra toje, što heta rabili supracoŭniki-mužčyny, dy jašče z prymianieńniem fizyčnaj siły.
U pratakole ja ŭkazała, što maju pretenzii nakont mabilnaha telefona, a taksama parvanaj kurtki — heta zdaryłasia pry ahladzie mianie. Taksama zapisała, što mnie nie dazvolili pazvanić advakatu».
Paśla pieratrusu Maryna Łobava źviazałasia z advakatam. Jana źbirajecca padavać skarhu na niezakonnaje vymańnie telefona.
Na pytańni pra syna, pra jahonuju dziejnaść va Ukrainie Maryna Łobava adkazvać admaŭlajecca.