Haahski trybunał apraŭdaŭ vice-prezidenta Sierbii časoŭ Miłošaviča
Mižnarodny trybunał pa byłoj Juhasłavii (MTBIU), što zasiadaje ŭ Haazie, apraŭdaŭ lidara Sierbskaj radykalnaj partyi Vaisłava Šešala pa ŭsich vystaŭlenych u jaho adras abvinavačvańniach. Takoje rašeńnie abviaściŭ staršynia sudździa Žan-Kłod Antaneci.
Šešal padčas prysudu nie prysutničaŭ. Ź listapada 2014 hoda Šešal, u jakoha dyjahnastavana ankałahičnaje zachvorvańnie, znachodzicca ŭ Sierbii i viarnucca ŭ Haahu, niahledziačy na patrabavańni trybunała, admoviŭsia.
Vaisłaŭ Šešal dobraachvotna zdaŭsia MTBIU ŭ lutym 2003 hoda. Jamu byli pradjaŭlenyja abvinavačvańni ŭ złačynstvach suprać čałaviečnaści, a taksama «ŭ parušeńni zakonaŭ i zvyčajaŭ vajny», učynienych z 1991 pa 1993 hod na terytoryi Charvatyi, Vajavodziny (Sierbija), Bośnii i Hiercahaviny.
Lidar Sierbskaj radykalnaj partyi svaju vinu kateharyčna admaŭlaŭ. Bok abvinavačvańnia, jak paviedamlałasia, patrabavała prysudzić jaho da 28 hadoŭ pazbaŭleńnia voli.