U top-10 papularnych turystyčnych kirunkaŭ biełarusaŭ trapili Kanarskija vyspy
Top-10 napramkaŭ vyjaznoha turyzmu dla biełarusaŭ nazvaŭ namieśnik ministra sportu i turyzmu Michaił Partnoj padčas anłajn-kanfierencyi na sajcie BIEŁTA.
«Kab vałodać turystyčnymi patokami, my pravodzili apieratyŭnuju analityku. Zapyty ŭ internecie pakazali, što na siońnia top-10 napramkaŭ — heta Jehipiet, Bałharyja, Čarnahoryja, Hruzija, Ispanija, Turcyja, Krym, Tajłand, Kanarskija vyspy, Hrecyja», — adznačyŭ čynoŭnik.
Kanarskija vyspy
Jon padkreśliŭ, što sioleta ŭ dziesiatcy źjavilisia novyja hulcy: Čarnahoryja, Hruzija, Kanarskija vyspy. Adnosna Jehipta, jaki zajmaje pieršy radok rejtynhu, Partnoj nahadaŭ, što biełarusam rekamiendavana ŭstrymacca ad pajezdak u hetuju krainu. «Ale, mabyć, kryteryi «košt-jakaść» hulajuć svaju rolu», - vykazaŭ mierkavańnie namieśnik ministra.
Źnizilisia patoki ŭ tureckim kirunku. «Hetaja kraina ŭ nas lidziravała ŭ 2014 i 2015 hadach, zajmała pieršaje, potym druhoje miesca. Ciapier apuściłasia na šostaje. A novyja hulcy zaniali hetu nišu», - rastłumačyŭ jon.