Tysiačy isłandcaŭ patrabujuć adstaŭki premjera, zakranutaha afšornym rasśledavańniem
Birgir Þór Harðarson / Kjarninn Media / EPA / LETA
Mitynh la budynka parłamienta Isłandyi ŭ 100-tysiačnym Rejkjaviku.
Ludzi vyjšli patrabavać adstaŭki premjer-ministra, jaki apynuŭsia zamiašany ŭ afšornych skandałach. Jon vałodaŭ finansavymi instrumientami isłandskich bankaŭ i moh upłyvać na ich košt, bo jak premjer-ministr abmiarkoŭvaŭ źviazanyja z bankami pytańni.
Cikava, što premjer Sihmiundziur Hiunlojhsan źbieh padčas teleintervju, jakoje davaŭ šviedskaj telekampanii, paśla taho jak u jaho spytalisia pra afšory.