U Kazachstanie dziaržsłužboŭcam zabaranili mieć na rabocie smartfony
Z-za pravierak na najaŭnaść smartfona ŭ čaćviortym padjeździe Doma ministerstvaŭ u Astanie ŭtvaryłasia vialikaja čarha.
«Nas u Dom ministerstvaŭ z sotavymi telefonami nie puskajuć. U suviazi z hetym takaja čarha ŭtvaryłasia. Nas zahadzia, pa-mojmu, za dva tydni, papiaredzili. Prosta pieršy dzień, niekatoryja, mahčyma zabylisia, niekatoryja byli ŭ kamandziroŭcy. Tamu nie mieli mahčymaści pakinuć doma. Sam ja pryjšoŭ biez smartfona», - padzialiŭsia hałoŭny śpiecyjalist RHP «DVC Kamiteta pa statystycy» MNE Respubliki Kazachstan Jerłan Karabanaŭ.
Pa słovach supracoŭnika, jačejkii ŭ budynku praduhledžany tolki dla naviedvalnikaŭ. A dla tych, chto niepasredna pracuje ŭ Domie ministerstvaŭ, ich nie praduhledzieli. Dziaržsłužačym dazvalajecca pranosić na pracu tolki telefony biez funkcyj blutuz, dyktafon, kamiera, internet.
Pres-sakratar Kamiteta pa statystycy Dynara Alimava adznačyła, što supracoŭniki byli papiaredžany za miesiac.
«My dziejničajem na padstavie lista, što z 4 krasavika zabaraniajecca prychodzić na pracu sa smartfonami. Amal usie pryjšli sa zvyčajnymi telefonami, siońnia pieršy dzień — achova praviarała ich. Tych, chto pryjšoŭ sa smartfonami, achoŭniki prasili pakinuć ich u mašynach. U budučyni buduć praduhledžany jačecjki i dla rabotnikaŭ», — paviedamiła pres-sakratar.