Minski haradski centr siamji i dziaciej nieŭzabavie ŭviadzie pasłuhu «niania na hadzinu»
Minski centr sacyjalnaha absłuhoŭvańnia siamji i dziaciej nieŭzabavie ŭviadzie pasłuhu «niania na hadzinu». Pra heta BiełTA paviedamiła dyrektarka ŭstanovy Kaciaryna Malcava. Takaja mahčymaść źjavicca, kali centr pierajedzie ŭ novy administracyjny budynak pa vulicy Čabatarova (rajon stancyi mietro «Traktarny zavod»). Centr płanuje akazvać i inšyja novyja vidy pasłuh.
Tak, u centry abstalujuć dva dziciačyja pakoi dla malečy 2—4 i 4—6 hadoŭ. Mamy zmohuć pakinuć tam dzicia na 1—3 hadziny, kab schadzić, naprykład, u cyrulniu ci kramu. Pasłuha budzie płatnaj. Ale žančyny, jakija akazalisia ŭ ciažkaj žyćciovaj situacyi i naviedvajuć psichołaha centra, zmohuć pakinuć dzicia ŭ takim pakoi biaspłatna.
Akramia taho, u novym budynku centra adkryjecca adździaleńnie dzionnaha znachodžańnia dla dziaciej-invalidaŭ z samatyčnym zachvorvańniem (ankałahičnym) u stanie remisii. Dla reabilitacyi dziaciej-invalidaŭ u novym budynku centra płanujecca praca kabinieta erha-terapii, art-terapii, a taksama psichołahi i reabilitołahi zmohuć vykarystoŭvać mnostva inšych technik.
Praciahnuć pracu mama- i tata-škoły. Bolš mahčymaściaŭ pa praviadzieńni roznych mierapryjemstvaŭ źjavicca i z adkryćcio ŭłasnaj treninhavaj zały.