Dźvie mahutnyja mahnitnyja bury čakajucca ŭ krasaviku
Samaja mahutnaja ŭ hetym miesiacy mahnitnaja bura pačniecca ŭ bližejšuju piatnicu, 8 krasavika. Śledam za joj pryjdzie čatyrochdzionnaja bura — jana budzie doŭžycca z 18 pa 21 krasavika.
Sonca padčas uspyški. Fota: NASA/SDO
Zhodna z vynikami niekatorych daśledavańniaŭ, mahnitnyja bury niehatyŭna ŭpłyvajuć na samaadčuvańnie ludziej. Niejki adsotak ziamlan adznačaje hałaŭnyja boli i pasłableńnie ŭvahi, skardzicca na biassońnicu. Miedyki rekamiendujuć mieteaadčuvalnym ludziam paźbiahać fizičnych nahruzak, sačyć za ciskam, spać nie mienš za šeść hadzin i vyklučyć z racyjonu tłustuju ježu.
Hieamahnitnyja bury taksama ŭpłyvajuć na mnohija vobłaści dziejnaści čałavieka: mohuć pryvodzić da parušeńnia suviazi, navihacyi kaśmičnych karabloŭ, a taksama da ŭźniknieńnia vichravych indukcyjnych tokaŭ u transfarmatarach i trubapravodach.
Najmahutnaja hieamahnitnaja bura adbyłasia ŭ 1859 hodzie. Na Soncy byŭ karanalny vykid takoj siły, što jon dasiahnuŭ Ziamli ŭsiaho za 18 hadzin, choć zvyčajna adlehłaść da nas jon pakryvaje za try-čatyry dni. Hetaja mahnitnaja bura vyklikała admovu telehrafnych sistem u Jeŭropie i Paŭnočnaj Amierycy. Pa ŭsim śviecie nazirałasia paŭnočnaje źziańnie.