«Našym praŭnukam buduć na ŭrokach historyi raspaviadać, što niekali byŭ taki asobny narod — biełarusy»
Abmiarkoŭvajcie!
Tysiačy ludziej, u tym liku narodny majstra-cymbalist, pryjechali ŭ Minsk raźvitacca z Narodnym paetam Biełarusi Niłam Hilevičam.
«Pravilna zrabiła «NN», što źviarnuła ŭvahu na movu [vianka ad Łahojskaha rajvykankama], — piša na staroncy NN Ukantakcie čytač «Našaj Nivy» Dzianis Rabianok. — Viedajučy pryncypovuju pazicyju Niła Hileviča pa prablemie biełaruskaj movy i jaho rezka admoŭnaje staŭleńnie da rusifikacyi, rabić podpis na rasiejskaj — heta ździek!»
«Na takija rečy varta źviartać uvahu, — padtrymlivaje jaho inšy čytač Andrej Miadźviedzieŭ. — Ich varta fiksavać u historyi, kab, kali našym praŭnukam buduć na ŭrokach historyi raspaviadać, što niekali byŭ taki asobny narod — biełarusy, u jakoha navat była svaja asablivaja mova, čym jon i adroźnivaŭsia ad usich inšych narodaŭ, nastaŭniki mahli nazvać kankretnyja proźviščy tych, chto spryjaŭ stracie biełarusami svajoj movy».