Łukašenka: Važna praciahnuć liniju na poŭnuju narmalizacyju adnosin Biełarusi ź Jeŭrasajuzam
Alaksandr Łukašenka ličyć važnym praciahnuć liniju na poŭnuju narmalizacyju adnosin i pahłybleńnie supracoŭnictva ź Jeŭrapiejskim sajuzam z ulikam nacyjanalnych intaresaŭ.
EPA
Ab hetym kiraŭnik dziaržavy zajaviŭ siońnia na naradzie pa pytańniach biełaruska-jeŭrapiejskich adnosin.
«Važna praciahnuć liniju na poŭnuju narmalizacyju adnosin i pahłybleńnie supracoŭnictva ź ES u kantekście našych nacyjanalnych intaresaŭ. Havorka idzie pra ŭmacavańnie dziaržaŭnaha suvierenitetu i niezaležnaści, biaśpieki i stabilnaści Biełarusi», — zajaviŭ Alaksandr Łukašenka.
Kiraŭnik krainy adznačyŭ, što ŭ apošni čas nazirajecca pazityŭnaja dynamika ŭ raźvićci adnosin pamiž Jeŭrapiejskim sajuzam i Biełaruśsiu, uzrovień i intensiŭnaść kantaktaŭ uzraśli, ahulnaja atmaśfiera taksama palepšyłasia.
«Pryniataje ŭ lutym 2016 hoda rašeńnie Jeŭrasajuza ab admienie bolšaści sankcyjaŭ u dačynieńni da Biełarusi adkryvaje novyja mahčymaści dla raźvićcia našaha ŭzajemadziejańnia ź Jeŭrasajuzam. Hety krok jasna śviedčyć pra hatoŭnaść ES i jaho krain-členaŭ da aktyvizacyi prahmatyčnaha supracoŭnictva ź Biełaruśsiu, — skazaŭ kiraŭnik dziaržavy. — Heta nas absalutna zadavalniaje. Ja ŭžo kazaŭ, sustrakajučysia z pradstaŭnikami Złučanych Štataŭ, što palityzavanaść (tym bolš zališniaja) tych pracesaŭ, jakija nie pavinny być palityzavanyja, nam absalutna nie patrebna. Nam patrebna prahmatyčnaść adnosin».
Pry hetym Alaksandr Łukašenka asabliva padkreśliŭ, što dla Biełarusi nieprymalna, kab partniory ŭ ES abo ZŠA stavili jaje pierad vybaram, raźvivać adnosiny z Zachadam ci Rasijaj.
«Nam taki pieramoŭny kryter nie padychodzić. Heta samaje horšaje, što moža być pastaŭlena pierad nami», - zajaviŭ jon.
«Dumaju, u Jeŭropie siońnia vydatna razumiejuć heta, i prynamsi na pieramovach sa mnoj nivodny z pradstaŭnikoŭ ZŠA ci Zachodniaj Jeŭropy nie pastavili takim čynam pytańnie. Narešcie ŭsie zrazumieli, što Biełaruś z toj šmatviektarnaj palitykaj, jakuju jana pravodziła ŭ apošnija hady, jak raz i patrebna Jeŭrapiejskamu sajuzu, — ličyć biełaruski lidar. — Los naš taki: my apynulisia pamiž dvuma centrami siły i ad hetaha nikudy nie padziecca. Ihnaravać my nie možam ni adzin, ni druhi. Ale ruskija — našy braty, padabajecca kamu ci nie, i našy adnosiny pavinny być ź imi adpaviednymi».
Alaksandr Łukašenka adznačyŭ, što dla raźvićcia adnosin Biełarusi ź ES na asnovie prahmatyzmu jość šmat mahčymaściaŭ, u tym liku pieradavyja technałohii i bolš tannyja finansavyja resursy. «Ź inšaha boku — vielizarny rasijski, jeŭrazijski rynak. Dalej — Kitajskaja Narodnaja Respublika. Značyć, i tam našy intaresy. Z hetaha treba zychodzić», — padkreśliŭ kiraŭnik krainy.
Kiraŭnik dziaržavy kanstatavaŭ, što ŭ adnosinach pamiž Biełaruśsiu i ES isnuje šerah tak zvanych niavyrašanych prablem. «Ich, viadoma, treba vyrašać», - źviarnuŭ uvahu Alaksandr Łukašenka.
Pavodle słoŭ Łukašenki, nieabchodna praanalizavać tyja mahčymaści, jakija adkryvajucca pierad Biełaruśsiu, i vyznačyć, pa jakim najbolš vyhadnym napramkach ruchacca napierad. «Pierš za ŭsio heta tyčycca handlova-ekanamičnaj, inviestycyjnaj, finansavaj śfier. A taksama arhanizacyi sumiesnaha procidziejańnia transhraničnym pahrozam», — dadaŭ biełaruski lidar.
Na praciahu apošnich hadoŭ Biełaruś taksama viadzie pieramovy ź Jeŭrapiejskim sajuzam ab zaklučeńni šerahu pahadnieńniaŭ.
U suviazi z hetym Alaksandr Łukašenka pacikaviŭsia, na jakoj stadyi znachodzicca pieramoŭny praces pa prajektach ab spraščeńni vizavych pracedur i readmisii.
«Kab kančatkova vyznačycca pa pytańni ab partniorstvie ŭ śfiery mabilnaści ź Jeŭrasajuzam, treba ŭdakładnić, jakija pieravahi atrymaje ad hetaha Biełaruś. Akramia taho, metazhodna abmierkavać ahulnyja padychody da dalejšaj libieralizacyi vizavaha režymu», - ličyć prezident.
Kiraŭnik dziaržavy dadaŭ, što čakaje ad udzielnikaŭ narady kankretnych prapanoŭ pa aktyvizacyi raboty ź Jeŭrapiejskim sajuzam u cełym i pa abaznačanych napramkach u pryvatnaści.